مصطفى كامل يكشف حقيقة تحيزه لشيرين عبد الوهاب ضد أنغام

خلال لقائه مع الإعلامية ياسمين عز في برنامج "كلام الناس" عبر شاشة "mbc مصر"، أوضح الفنان مصطفى كامل، نقيب المهن الموسيقية، حقيقة تحيزه للفنانة شيرين عبد الوهاب في الخلاف بينها وبين النجمة أنغام.

قال كامل: "مكنتش أعرف إن في خلاف بينها وبين أنغام، عرفت لما شوفت مداخلة أنغام مع لميس الحديدي، وبعت لأنغام وشرحتلها موقفي، لكنها مردتش، كلمت لميس الحديدي وفهمت منها اللي حصل، وخوفت أنغام تفتكر إن دعم النقابة لشيرين فيه حاجة ضدها".

وتابع مصطفى كامل: "شيرين زعلت مننا لما اتحولت للتحقيق قبل كده، وحبيت أساندها لما حصلت أزمة موازين، مش عشان أنغام".

وأشار نقيب الموسيقيين إلى أنه بادر بالتواصل مع أنغام مباشرة لإيضاح موقفه، ووجّه لها رسالة لشرح نواياه، لكنها لم ترد، ما دفعه للحديث مع لميس الحديدي التي ساعدته في فهم ملابسات الأمر بشكل أعمق.

وأكد مصطفى كامل حرصه على تجنب أي سوء فهم، قائلا: "النقابة تقف على مسافة واحدة من جميع الفنانين دون تحيز، وإنها معنية أساسًا بالدفاع عن صورة الفنان المصري وكرامته، سواء في الداخل أو في المحافل الدولية، أنا ما باخدش صف على حساب حد.. وكل فنان مصري له تقديره واحترامه".

وكانت أنغام قد ردت على الشائعات التي طالتها مؤخرًا بشأن الحملة الموجهة ضد الفنانة شيرين عبدالوهاب بعد حفلها في مهرجان موازين، وما تردد عن أن أنغام كانت السبب وراء هذه الحملة.

وكشفت أنغام، خلال مداخلة هاتفية مع برنامج "كلمة أخيرة" الذي تقدمه الإعلامية لميس الحديدي على شاشة on، أنها كانت في المستشفى منذ السبت الماضي بسبب وعكة صحية مفاجئة، قائلة: "أنا فعلًا في المستشفى بعد وعكة صحية حصلت بشكل مفاجئ يوم الأربعاء الماضي. شعرت بتعب شديد وتم نقلي للمستشفى صباح السبت. الحقيقة مكنتش عايزة حد يعرف علشان كنت تعبانة جدًا ومكنتش قادرة أستقبل زيارات ولا أشرح حالتي الصحية، فقررت مافيش داعي أقول علشان أرتاح شوية."

وأضافت: "كنت فاكرة إني داخلة المستشفى يوم واحد آخد مسكنات وأعمل فحوصات وأخرج، لكن الموضوع طلع محتاج فترة أطول، والحمد لله الموضوع بسيط بس محتاج صبر واستشارات."

وحول الحملة التي استهدفتها، قالت: "أنا مكنتش مصدقة الكلام خالص. أنا مش من الشخصيات اللي بتحب تدافع عن نفسها ولا بترد على الشائعات، ولا بدخل في مهاترات، وده منهجي في حياتي من زمان سواء على المستوى الشخصي أو المهني. أنا طول عمري بسيب الأمور تختفي لوحدها، وربنا بينصفني دايمًا."

وتابعت: "أنا ست اللي يعرفني كويس عارف إني مش بتاعة مشاكل، ولا بدعي المثالية، أنا إنسانة عادية بحب شغلي وبحترم جمهوري، وحتى اللي مش بيحبني بحترمه، لأن مفيش فنان بيتفق عليه كل الناس، وده طبيعي لأن الأذواق بتختلف."

~
د ـآم عطـآئكٌ ../..ورؤعـه تمَ ـيـزكٌ..~
(..مَ ـودتيٌ..)..